SosBanditos — Istrutziones

In su giòghu b'at duas fatziones:

Sa Bidda binchet cando totu sos Banditos sunt istados eliminados.

Sos Banditos binchent cando sos Banditos in vida sunt tantos o prus de sos giogadores chi abarrant de Sa Bidda.

Su Narradore declarat chie at bintu e acabat su giòghu dae s'app.

1. 1Ischierade una persone comente Narradore.
2. 2Su Narradore aberit SOS BANDITOS.
3. 3Tocat CREA SA BIDDA.
4. 4Ischierat su nùmeru de giogadores.
5. 5S'app creat unu còdighe QR.
6. 6Ognunu iscansionat su QR cun su telèfonu suo.
7. 7Ognunu iscriet su nomìngiu suo.
8. 8Cando sunt intrados totus, su Narradore tocat DISTRIBUI SAS CARTAS.
9. 9S'app dat a ognunu una carta a s'acasu, in secretu.
10. 10Ognunu girat sa carta sua a cuadu.
11. 11Nisciunu podet mustrare su ruolu suo a sos àteros.
12. 12Cando totus connoschent su ruolu, su giòghu cumintzat!

Su Narradore no est nen de Sa Bidda nen de sos Banditos. Est su mere de su giòghu.

• ◆creat Sa Bidda
• ◆mustrat su còdighe QR
• ◆isetat totu sos giogadores
• ◆distribuit sas cartas cun s'app
• ◆guidat ogni note
• ◆mutit sos ruolos in òrdine
• ◆ischit ite sutzedit a de note
• ◆contat ite est sutzèdidu su manzanu
• ◆abèrit su Televotu
• ◆gestit sas paridades e sos spareggios
• ◆declarat cando su giòghu est acabadu

Cando sa faeddada est acabada:

🎙️ “SA BIDDA DORMIT.”

Totus serrant sos ogros.

1. BANDITOS

🎙️ “Sos Banditos s'ischidant.”

Petzi sos Banditos abèrint sos ogros e s'acordant in mudu subra de unu giogadore in vida. Su Narradore cunfirmat.

🎙️ “Sos Banditos si torrant a dormire.”

2. CARABINERI

🎙️ “Su Carabineri s'ischidat.”

Su Carabineri indicat unu giogadore in vida. Su Narradore rispondet in mudu:

👍 = Banditu  ·  👎 = no est Banditu

🎙️ “Su Carabineri si torrat a dormire.”

3. DUTORE

🎙️ “Su Dutore s'ischidat.”

Su Dutore ischierat unu giogadore in vida de amparare. Su Narradore si l'ammentat.

🎙️ “Su Dutore si torrat a dormire.”

A s'ùrtimu:

🎙️ “SA BIDDA S'ISCHIDAT.”

Totus abèrint sos ogros.

Su Narradore risolvet sa note.

Si sos Banditos ant ischertu a Gavinu e su Dutore at amparadu un'àtera persone, Gavinu est eliminadu:

🎙️ “GAVINU EST FORA DAE SA BIDDA.”

No si narat mai su ruolu de Gavinu.

Si su Dutore at amparadu a Gavinu, nisciunu est eliminadu:

🎙️ “CUSTA NOTE NO EST ISTADU ELIMINADU NISCIUNU.”

No si narat su pro ite.

Pustis de sa note, totu sos giogadores in vida faeddant. Podent:

• ◆acusare
• ◆si difèndere
• ◆nàrrere bugias
• ◆nàrrere sa veridade
• ◆decrarare unu ruolu
• ◆fìnghere de tènnere un'àteru ruolu
• ◆iscobèrrere informatziones
• ◆chircare de manipulare sos àteros

Cando sa faeddada est acabada, su Narradore tocat DAE SU VIA A SU TELEVOTU. Ogni giogadore in vida retzit sa pàgina pro votare.

Bi sunt petzi sos NOMÌNGIOS, mai sos ruolos:

GAVINU · MARIA · TORE · PAULU

• ◆Ogni giogadore in vida tenet UNU votu secretu.
• ◆Sos eliminados non podent votare.
• ◆Su Narradore non votat.
• ◆Pustis de cunfirmare, su votu no si podet cambiare.
• ◆Sos votos sunt anònimos: nisciunu ischit chie at votadu a chie.

A s'acabu de su Televotu si bident petzi sos votos totales:

Si duos o prus giogadores tenent su matessi nùmeru de votos prus artu, nisciunu est eliminadu.

Cumintzat su SPAREGGIU: si podet votare petzi a GAVINU o a TORE. Totu sos giogadores in vida torrant a votare e sos votos de prima si cantzellant.

Si sunt in paridade tres giogadores:

su spareggiu est intre GAVINU, TORE e MARIA.

Si b'at galu paridade, si faghet un'àteru spareggiu, finas a cando unu giogadore tenet prus votos de totu sos àteros.

Cando unu giogadore est eliminadu:

• ◆no narat nudda de su ruolu suo
• ◆non podet prus votare
• ◆non podet prus faeddare in sa faeddada
• ◆non podet dare informatziones a sos vivos
• ◆no aparet prus in sas listas de votu

Su ruolu suo abarrat secretu finas a s'acabu de su giòghu.

Su Narradore acabat sa partida cun ACABA SU GIÒGHU.

Petzi cando su giòghu est acabadu, su Narradore tocat ISCOBERI SAS CARTAS.

Sas cartas de totu sos giogadores si girant una a pustis de s'àtera:

GAVINU → BANDITU
MARIA → BIDDESU
TORE → CARABINERI